 |
|
|
|
|
|
|
|
|
|
|
|
|
|
|
|
|
|
|
|
|
|
 |
 |
 |
|
||||||||||||||||||
 |
 |
 |
 |
 |
 |
|
|||||||||||||||
 |
|
||||||||||||||||||||
 |
 |
|
|||||||||||||||||||
 |
 |
 |
 |
 |
 |
 |
 |
 |
 |
 |
 |
 |
 |
|
|||||||
 |
 |
 |
 |
 |
 |
 |
|
||||||||||||||
Takornariaqarneq
Nunaqarfiit
| Ilimanaq/Claushavn Nunaqarfiit annersaasa pingajoraat 85-nik inoqartoq. Kalaallisut aqqa isumaqarpoq "isumalluarnartoq". Qallunaatut aqqa aallaaveqassangatinneqarpoq Holland-imiumit umiarsuit arfanniat naalagaannit Klaes (Klaus) Pieterz Torp-imit, 1719-1732 Qeqertarsuup Tunuani arfanniarnermik ingerlataqarsimasumit. Ilimanaq Kalaallit Nunaanni inoqarfiusut pisoqaanerit ilagaat Ilulissallu tunngavilerneqarnerat missaarlugu tunngavilerneqarsimalluni, tassalu 1741 missaani. Ilimanaq Ilulissat Kangerluata kujataatungaaniippoq Ilulissat illoqarfianniit 30 km missaanik kujasinnerusumi. |
 |
| Nunaqarfiit allat Nunaqarfiit eqqartornerini taaneqarsinnaavoq Ataa. Taanna Alluttup kangimut sammernganiippoq. Nunaqarfiujunnaarpoq 1960 kinguninngua. Taamaakkaluartoq Ataani illoqarpoq suli nutaanngilisimagaluartunik. Qeqertap pineqartup Alluttup kimmut sammernganiippoq Appat/Ritenbenk. Siuliini oqaatigineqareersutut Saqqaq Appat/Ritenbenk nuunneqarsimavoq 1781-mi. 1930-kkut naalerneranni Appat inui Ilulissani najugaqartuniit amerlanerusimangaluarput. Sorsunnersuup nalaani inuttassaqarniarneq umiarsuartigullu atassuteqarniarneq ajornartorsiutaalermata niuertoqarfittut atorunnaarpoq 1942-mi, kisiannili niuertoruseqarfittut 1955-sip tungaanut ingerlasimavoq, 1960-milu inuerutitinneqarsimalluni. Niuertup illorsua pisiniarfittaalu kiisalu aamma palasip illorsua ullumikkut eqqissisitaapput aasaaneranilu kommunep atuarfeqarfianiit aallaarsimaartarfittut atorneqarlutik. |
 |
| Oqaatsut/Rodebay Nunaqarfinni nunngutaajupput 52-nillu inoqaramik kommunemi nunaqarfiit inukinnersaralugit. Ilulissaniit 15 km avannarpasinnerusumiipput. Kalaallisut aqqa isumaqarpoq "timmissat oqaatsut", tassami eqqaat oqaatsoqaqigami. Qallunaatut aqqat Rodebay arfanniaqarallarneraninngaanneersuuvoq, tassa nunaqarfik Holland-imiut atsersimammassuk Rodebay, isumaqartoq "qasuersaarfik". Oqaatsut 1700-kkunnili inoqarsimavoq, aatsaalli nunaqarfittut isigineqalersimalluni 1877-mi. |
 |
| Qeqertaq (isumaqartoq "imaannarmi qeqertannguaq") Nunaqarfiit annersaata tulleraa 147-nik inoqartoq. Ilulissaniit 90 km missaanik avannarpasinnerusumiippoq qeqertannguup Tasiusap kangerliumanertaaniittup kujammut samminerani. 1830-mi ilisimaneqarpoq ukiiviusartut aatsaallu ukioq kaajallallugu najugarineqartartutut ilisimaneqalerluni 1845 missaani. |
 |
|
|
|
 |
|
|
 |
 |
|
 |
|
|
 |
|
|
 |
|
|
 |
|
|
 |
|
|
 |
|
|
 |
|
|
 |
|
|
 |
|
|
 |
|
|
 |
|
|
| Saqqaq (qallunaatut isumaqartoq "seqernup tungaanut sammisoq") Nunaqarfinni annersaavoq 173-inik inoqarami. Saqqaq Nuussuup kujammut sineriaani Vaigat-imut sammisumiippoq Ilulissaniit 100 km missaanik avannarpasinnerusumi. Saqqaq tusaamasaavoq assaasarnertigut nassaanut Kristusip inunngornerata siorna ukioq 2000 missaaneersunut, taamaakkaluartorli nunaqarfik Saqqaq aatsaat tunngavilerneqarsimavoq 1755-mi Ritenbenk-imik taallugu aterlu taanna 1781-mi nuunneqarsimavoq Alluttup qeqertaanut. |
 |